مدونة الكاتب حسام الدين فكري

حسام الدين فكري... هل تعتقد أن مصر المحروسة لها رئيس واحد فقط ؟!..تبقى – اسمحلي يعني - مش عارف حاجة..فمصر لها أكثر من 100 مليون رئيس..وكل واحد هو رئيس نفسه..فلا يسمع إلا نفسه..ولا يتحرك إلا على هواه..ولو فكرت في تجميع 20 شخصاً فقط على هدف واحد..فسوف تشعر بمعاناة أي مُدرسة في فصل حضانة ..وسوف تتراجع فوراً عن الفكرة..وتقنع من الغنيمة بالإياب !! . وهناك أشخاص بالذات في هذا الشعب هم رؤساء بشكل شبه رسمي..وعندك مثلاً أي موظف حكومي شغال على أي شباك أو يجلس على أي مكتب..فهو فخامة رئيس الشباك أو رئيس المكتب !..وهل تستطيع أن تفتح فمك بأي اقتراح أو استفسار في وجود سيادته..شكلك طيب أوي وعلى نياتك..فهو فقط الذي يقول..وأنت تسمع وتقول حاضر ونعم..وتحت أمرك يا فندم..وإلا تبقى تقابلني بقى لو أنجزت مصلحتك..فسوف تدور – يا ولداه – كعب داير على مكاتب الهيئة كلها..ويقولك اطلع عند مدام ميرفت..أو انزل عند أستاذ صلاح..وبعد هذا كله سوف يغني لك النشيد الوطني للروتين الحكومي، الذي تقول كلماته الشهيرة جداً : " فوت علينا بكرة..ياسيد..فوت علينا بكرة " !! . أما سائق الميكروباص في مصر..فليس رئيس...

حسام الدين فكري... اكتشفت مؤخراً أنني أقضي ربع عمري على الأقل، في محلات السوبر ماركت في كل مكان !..ربما هي هواية..وربما هو شغف غريب يتملكني..والمؤكد بقى أن هذا هو القاسم المشترك الوحيد..بيني وبين النساء !! . وفي لبنان كانوا يندهشون مني..وكان صديقي اللبناني يقول لي : " إنت جاي لبنان..علشان تدخل السوبر ماركت ؟! "..فكنت أجيبه : " الحقيقة أيوه ! "..وقبل أن يشد شعره، كنت أشرح له : " ما هو الحاجات اللي عندكم..مش نفس الحاجات اللي عندنا في مصر " !! . أما في السعودية..فكان الهنود الذين يعملون معي، يتعجبون من شرائي لمنتجات بلدهم..ومنتجات باكستان وكل الدول الأجنبية..طبعاً واضح أنها "عقدة الخواجة"..مش كده ؟..عندك حق !! . ثم هؤلاء أصحاب السوبر ماركتات الكبرى..يا أخي محترفون جداً..يضعون إضاءات براقة فوق المنتجات..فتراها تلمع كأنها حبات اللؤلؤ..ثم تفتحها في منزلك..فتجدها عادية تماماً..فتتذكر ما دفعته فيها..وتكتشف أنهم جعلوها أحلى في عينيك..مما تستحق ! . أما العروض التي يجذبون بها قدميك..فهي حكاية كبيرة..وغالباً ما تكون لمنتجات اقتربت مدة صلاحي...

حسام الدين فكري... تألقت المطربة "فايزة أحمد" وأبدعت في واحدة من أشهر أغاني ها، تحمل عنوان "أنا قلبي إليك ميال" ..وفي هذه الأغنية الست فايزة بتقولك إيه بقى.."أنا قلبي إليك ميال"..وماله..حب شريف وعفيف ومن حقك.."ومافيش غيرك ع البال"..طبيعي جداً مادام قلبك إليه ميال !..إنما بعد كده تقولك إيه.."إنت وبس اللي حبيبي"..يووه..ماعرفنا خلاص..هيه حكاية !..لكن المحبين أصلهم غاويين التكرار..فدائماً يكررون كلامهم بصيغ متنوعة..يعني : بحبك..بعشقك..بدوب فيك..مابشوفش غيرك..إنت اللي في القلب..إنت اللي في اللوز والكرشة والممبار ! . يعني العاشق من دول لما يكلم حبيبه خمستاشر مرة كل يوم..وكل مكالمة تكسر الساعة على الأقل..هيقول إيه ؟!..ماهو لازم يفضل يكرر..ويعيد ويزيد..ويرجع يأكد ويحلف برءوس الأحياء والأموات..ويقوللها : مش مصدقاني..طب اسألي فلانة واسألي علانة..وكل مكالمة على كده..وشركة الاتصالات تكسب وتزيط..وشركات الموبايل تعمل ملايين من وراء هذه النوعية من المحبين !! . ونرجع للست فايزة..شوف الجملة دي : "إنت وبس اللي حبيبي..مهما يقول العُذال...

حسام الدين فكري... وجوه الناس على المقاهي، مرايات تبوح بكل شيء !..ولست مندهشاً أن "نجيب محفوظ" استوحى كل شخوص رواياته من المقاهي..وكذلك فعل مئات الكتاب حول العالم..إنما المقاهي المصرية..حاجة تانية خالص ! . المقاهي عندنا عالم كبير يجمع كل صنوف البشر..ماهي مصر أم الدنيا..إنت ناسي وللا إيه !..يعني إحنا عندنا كل أنواع الناس في العالم..من أول الكويس أوي..وحتى السيء أوي..وبينهما بقى ملايين الدرجات النسبية..وكله موجود..الطيبة موجودة..والنصب موجود..وكلهم تراهم على المقاهي..بجميع أنواعها برضه..من أول المقاهي الشعبية..مروراً بالكافيتريات..وصولاً إلى الموضة الجديدة : الكافيهات !..والكافيه هو نفسه الكافيتريا..بس على نضيف بقى..وفيه "مينيمم تشارج " !! . ثم كل الأعمار تجدها..من أول العيل اللي يادوب شنبه طالع..وحتى الكهل الذي تحول شعره كله إلى ندف من الثلج..أو سقط سهواً فلم تتبق منه شعره واحدة !..وبينهما شباب الجامعة..والمتخرجين فقط..والمتخرجين الباحثين عن عمل..والموظفين الجدد..والموظفين من زمان ! . وأول شيء تقرأه على جميع الوجوه بالبنط العريض أن الحكومة غير موجودة ...

حسام الدين فكري... تخيلت – وأنا لما خيالي يفتح اسبرنت..ماعرفش أحصله !! – أن مجلس الوزراء الموقر في بلدنا المحروسة، اجتمع بكامل هيئته في مكانِ ما، لم تصل إليه كل وسائل الإعلام، ولم يعرف حتى الدبان الأزرق عنه شيئاً..واتفق السادة الوزراء على ميثاق شرف، كانت بنوده كالتالي: 1- مصلحة المواطن المصري..فوق كل اعتبار . 2- كل وزير يضع مكتبه في الشارع.. بين الناس ! . 3- بلاش الكلام الكتير والمداخلات الفارغة..في الفضائيات !. 4- مافيش وزير يعين أقاربه في الوزارة ! . 5- لو تعامل أي موظف مع مواطن بطريقة سيئة..يبقى الوزير المسئول..يستقيل على طول !. 6- كل الوزراء يشتغلوا مع بعض..ماحدش يلعب لوحده !. 7- يتعهد جميع الوزراء بإنجاز مصالح المواطنين..في أسرع وقت ! . 8- أبناء الوزير لايظهرون في وسائل الإعلام..ولايمتلكون مشروعات تجارية ! . 9- يلتزم كل وزير بتعيين كوادر شبابية..في المناصب العليا بوزارته ! . 10- لما الوزير يحب يعمل زيارات مفاجئة..مايقولش لأي حد..حتى مراته !! . 11-   محدش يروح للرئيس..يفتن على زميله !! .    ثم إن جميع الوزراء وقَّعوا على هذا ا...