حسام
الدين فكري...
تخيلت
– وأنا لما خيالي يفتح اسبرنت..ماعرفش أحصله !! – أن مجلس الوزراء الموقر في بلدنا
المحروسة، اجتمع بكامل هيئته في مكانِ ما، لم تصل إليه كل وسائل الإعلام، ولم يعرف
حتى الدبان الأزرق عنه شيئاً..واتفق السادة الوزراء على ميثاق شرف، كانت بنوده
كالتالي:
1- مصلحة المواطن
المصري..فوق كل اعتبار .
2- كل وزير يضع مكتبه في
الشارع.. بين الناس ! .
3- بلاش الكلام الكتير والمداخلات الفارغة..في
الفضائيات !.
4- مافيش وزير يعين
أقاربه في الوزارة ! .
5- لو تعامل أي موظف مع مواطن بطريقة سيئة..يبقى
الوزير المسئول..يستقيل على طول !.
6- كل الوزراء يشتغلوا مع
بعض..ماحدش يلعب لوحده !.
7- يتعهد جميع الوزراء
بإنجاز مصالح المواطنين..في أسرع وقت ! .
8- أبناء الوزير لايظهرون
في وسائل الإعلام..ولايمتلكون مشروعات تجارية ! .
9- يلتزم كل وزير بتعيين
كوادر شبابية..في المناصب العليا بوزارته ! .
10- لما الوزير يحب يعمل
زيارات مفاجئة..مايقولش لأي حد..حتى مراته !! .
11- محدش يروح للرئيس..يفتن على زميله !! .
ثم إن جميع الوزراء وقَّعوا على هذا الميثاق،
وقرءوا الفاتحة على الخاين وابن الحرام..وصلوا ركعتين جماعة !! .
وفي اليوم التالي..وجدت كل الوزراء يمارسون
أعمالهم بذات الطريقة، اللي ماشيين عليها بقالهم سنين..مافيش أي حاجة تغيرت !..فقد
كانت الحكاية كلها..في خيالي فقط !! .
تعليقات
إرسال تعليق